مــنـتـديــات عصـــافيـــر الحب
اهلا بزائرنا الكريم

نتمنا لك قضاء وقت ممتع برفقتنا وفي بيتك الثاني

ان لم تتسجل ارجو التسجيل لتتمكن من التنقل بين ارجاء المنتدى بحرية

مديرة المنتدى:
عصفورة


مــنـتـديــات عصـــافيـــر الحب

منتديات عصــــــــــــافير الحب
 
الرئيسيةالبوابةالتسجيلدخول

 اهلا بكم في منتديات عصافير الحب


شاطر | 
 

 مواطن سوري طالع خلقه..

اذهب الى الأسفل 
كاتب الموضوعرسالة
عاشقة سكون الليل
مشرفة
مشرفة
avatar

عدد المساهمات : 473
نقاط : 987
تاريخ التسجيل : 17/05/2010
العمر : 28

مُساهمةموضوع: مواطن سوري طالع خلقه..   الجمعة 13 أغسطس 2010, 4:01 am

مرة موظف وقف عند البقالية يلي بيحارتو وأشترى شوية غراض وعند الدفع طلب من صاحب البقالية أنو يسجلهن عليه بالدين فرفض صاحب البقالية وقلو ما بتعامل انا إلا بالكاش موني!!!

فقلو الموظف متعجب: بدك كاش ؟؟

قلو صاحب البقالية أي ليش لأ ؟

فجاوبو الموظف :

لأنوالكاش غير متوفر بالأسواق المحلية

لأنه تجمع بأيدي شلة من الحرمية

والحرمية صارو كتار

والكترة غلبت الشجاعة

والشجاعة كنز لا يفنى

والكنز موجود بالمغارة

وااالمغارة ما بتفتح إلا لعلي بابا والأربعين حرامي

والأربعين حرامي صارو ملايين

والملايين عم تندفع لضعاف النفوس رشوة

والرشوة صارت حق

والحق يا حسرتي ضاع وتاكل

والأكل ما عاد منو غذاء

والغذاء مقابل النفط

والنفط جاب البلا على روسنا

وروسنا تمرمطت بالأرض

والأرض مقابل السلام

والسلام صار استسلام

والاستسلام ضيّع الكرامة

والكرامة خسر أدام الوحدة

والوحدة صارت حلم

والحلم سيد الأخلاق

والأخلاق تحولت لنفاق

والنفاق جمع نفق

والنفق لازم يتكمّل

ولحتى يتكمّل بدو متعهد بناء صالح

وصالح ما عاد بهالأيام

وبهالأيام صارت المفاهيم مقلوبة

والمقلوبة بدها بيتنجان ولحمة

واللحمة ماعادت تفوت لبيت الفقرا ولو نطحو الحيطان

والحيطان صار ألها أدان

وألأدان معبية البلد

وهالبلد صار في أكل هوا

والهوا صار فيي تلوث

والتلوث عشعش بالنفوس،والسجل المدني والقضاء

وللقضاء على القضاء صار بدو قضاء وقدر

والقدر علينا مكتوب

والمكتوب ما في منو هريبة

والهريبة تلتين المرجلة

والمرجلة ما عادت لكل واحد

وكل واحد ألو ساعة

والساعة أتية لا ريب فيها

" يوم يأخذ كل ذي حق حقه" , الذي شفط منه في الدنيا

وعلى الدنيا السلام مشان الحصول على الأختام

والأختام عند المدام

والمدام كانت شامية وهلأ صارت روسية شقرا

والشقرا بتهز الأرض

والأرض بتتكلم عربي

والعربي ماحدا بيقدر عليه غير الله

والله اذا منضل على هالحالة لتسحبنا الكلاب

والكلاب أحسن من البني أدم

وأدم علق علقة مصخمة مع حوا

وحوا ما بتعرف غير كلمة بدي

وبدي ...... أبو هالحالة

بطلت اشتري
الرجوع الى أعلى الصفحة اذهب الى الأسفل
 
مواطن سوري طالع خلقه..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مــنـتـديــات عصـــافيـــر الحب :: المنتديات الترفيهية :: نكت وطرائف-
انتقل الى: